بەڕێوەبەرایەتیی هاتوچۆی گەرمیان رایدەگەیەنێت، لە رووداوێكی هاتوچۆدا لەسەر رێگای كەلار – ناحیەی باوەنور و نزیك گوندی (رەند علی خان) ئۆتۆمبێلێك وەرگەڕا و حەوت كەس برینداربوون.
بەپێی راگەیەندراوێكی بەڕێوەبەرایەتیی هاتوچۆی گەرمیان كە وێنەیەكی دەست تۆڕی میدیایی ئێستا كەوتووە و تێدا هاتووە ئەمڕۆ سێشەممە لەسەر رێگای كەلار – ناحیەی باوەنور ئۆتۆمبێلێكی جۆری هۆندای سەنتافی بە ئاراستەی ناحیەی باوەنور ڕۆیشتووە لە نزیك گوندی (رەند علی خان) كۆنترۆڵی لەدەستداوە و وەرگەڕا.
هەر لە راگەیەندراوەكەدا هاتووە، بەهۆیەوە شۆفێری ئۆتۆمبێلەكە و شەش لە سەرنشینەكانی برینداربوون و بریندارەكان رەوانەی نەخۆشخانەی فریاكەوتنی شەهید هەژار كران و لەلایەن تیمی هاتوچۆوە لێكۆڵینەوە لە رووداوەكە دەستیپێكردووە.
