یانەی ڕیاڵ مەدرید چاوی بڕیوەتە تواناکانی جوود بێلینگهامی ئینگلیزی، لە هەمان کاتدا ئەستێرەیەکی لاوی ئەرجەنتینیان وەک جێگرەوەی ئەو یاریزانە دەستنیشانکردووە.
بەگوێرەی ئەو زانیارییانەی دەست ڕۆژنامەی “مارکا”ی ئیسپانی کەوتووە، ڕیاڵ مەدرید بڕیاریداوە لە ئەگەری شکستی گرێبەستی بێلینگهام، ڕاستەوخۆ هەوڵەکانیان بە ئاراستەی ئینزۆ فێرناندێزی بەهرەمەندی هەڵبژاردەی ئەرجەنتین و یانەی بەنفیکا دەستپێبکەن.
سەرچاوەکە ئاماژەی بەوەشکرد، بەنفیکا بە تێچووی 17 ملیۆن یورۆ گرێبەستی لەگەڵ ئینزۆ فێرناندێزی تەمەن 21 ساڵ واژۆکردووە، بەڵام لە ئێستادا و لە کاتی بەڕێوەچوونی چالاکییەکانی مۆندیالی قەتەر، نرخەکەی دوو هێندە زیادیکردووە.
