تەرمی گەنجێکی تەمەن 17 ساڵ بە کوژراوی دۆزرایەوە كە دوو گولـلە نراون بە دڵ و سەرییەوە.
پەیامنێری تۆڕی میدیایی ئێستا لە كەركوك رایگەیاند، لە نزیک کۆمەڵگەی “سۆما ستی” لە شاری کەرکوک، تەرمی گەنجێکی کوردی تەمەن 17 ساڵ بە کوژراوی دۆزرایەوه كە دوو گولـلە نراون بە دڵ و سەرییەوە.
بەپێی زانیارییەكان، كوژراوەكە ناوی ئەحمەد ئازادە و خوێندکاری زانکۆیە، دوێنێ بە مەبەستی کڕینی یارییە ئەلیکترۆنییەکان چووەتە بازاڕ و بڕی 800 دۆلاری پێبووە، لە کامێرای چاودێرییەوە دەرکەوتووە سواری ئۆتۆمبێلێکی جۆری تاكسی بووە كە دوو کەسی تیادا بووە و لەو كاتەوە بێسەروشوێنبووە.
