بەڕێوەبەری گشتیی هاتوچۆی هەرێم روونكردنەوە لەبارەی ئۆتۆمبێلی بێسەرەتاوە دەدات و جەختیشدەكاتەوە، ئەو ئۆتۆمبێلانەی بێسەرەتان بكەونە مەفرەزەكانی هاتوچۆوە دەستیان بەسەردا دەگیرێت.
لیوا عەبدولقادر عەزیز بەڕێوەبەری گشتیی هاتوچۆی هەرێم لە لێدوانێكدا بە تۆڕی میدیایی ئێستای راگەیاند، لە ئێستادا هیچ هەڵمەتێك بۆ دەستبەرداگرتنی ئۆتۆمبێلی بێسەرەتا دەستپێنەكراوە، بەڵام بەپێی ڕێنماییەكان ئەو ئۆتۆمبێلانەی بێسەرەتان نابێت بسووڕێنەوە و هەر كات بكەونە نێو مەفرەزەكانەوە دەستیان بەسەردا دەگیرێت.
ئاماژەی بۆ ئەوەش كرد، بەشێك لەو ئۆتۆمبێلانە تابلۆی ساختەیان پێوەكراوە لە كاتێكدا ئۆتۆمبێلەكە تابلۆی نییە و بێسەرەتایە و لە لایەن مەفرەزەكانەوە دەستیان بەسەردا دەگیرێت.
