بڕیارە ڕۆژی سێشەممەی داهاتوو پەرلەمانی كوردستان كۆببێتەوە و پێشنیازەیاسای پاراستنی ئاژەڵان لە هەرێمی كوردستان تاوتوێدەكات.
بەپێی راگەیەندراوێكی پەرلەمانی كوردستان كە وێنەیەكی دەست تۆڕی میدیایی ئێستا كەوتووە و تێیدا هاتووە، پاڵپشت بە حوكمی بڕگەی (سێیەم) لە ماددەی(18)ی پەیڕەوی ناوخۆی پەرلەمانی كوردستان، سەرۆكی پەرلەمانی كوردستان، بانگێشتی گشت ئەندامانی پەرلەمان دەكات بۆ كۆبوونەوە و بڕیارە لە كۆبوونەوەكەدا پێشنیازەیاسای پاراستنی ئاژەڵان لە هەرێمی كوردستان تاوتوێبكرێـت.
لە راگەیەندراوەكەدا هاتووە، پەرلەمان پێشنیازەیاسای بەركاركردنی یاسای فیدڕاڵیی واژووی ئەلیكترۆنی و مامەڵە ئەلیكترۆنییەكان ژمارە 78ی ساڵی 2012 یەكلادەكاتەوە.
لە راگەیەندراوەكەدا هاتووە، خوێندنەوەی دووەم بۆ پڕۆژەیاسای كار لە هەرێمی كوردستان بەپێی حوكمی ماددەكانی (87،88،89،97)لەپەیڕەوی ناوخۆی پەرلەمانی كوردستان دەكرێت.
