ئومێد خۆشناو پارێزگاری هەولێر دەڵێت، لە چەند شوێن و گەڕەكێكی شاری هەولێر ئاو بەرزبووەتەوە، بەڵام لافاو دروستنەبووە.
ئومێد خۆشناو پارێزگاری هەولێر، لەبارەی بارانبارین و مەترسیی دروستبوونی لافاو لە شاری هەولێر رایگەیاند، “لە 24 كاتژمێری رابردوودا لە پارێزگای هەولێر 30 ملم بارانباریوە، بەڵام بەهۆی ئامادەكارییەكانی چەند مانگی رابردووی پارێزگای هەولێرەوە لافاو دروستنەبووە، تەنها لە چەند گەڕەكێكی ناوشاری هەولێر و چەند شوێنێكی دەرەوەی شار ئاو بەرزبووەتەوە”.
وتیشی، بەرزبوونەوەی ئاو لە هیچ جێگەیەك نەبووەتەهۆی روودانی لافاو و كارەكانیان بە باشی رۆیشتوون.
