کۆبوونەوەی کەسی یەکەمی لایەنە سیاسییەکانی هەرێمی کوردستان کە لەسەر بانگهێشتی بافڵ جەلال تاڵەبانییەوە ئاراستەیان کرابوو، کۆتاییهات، لە کۆبوونەوەکەدا پێشنیازی دروستکردنی ئەنجومەنێکی سیاسی لە هەرێمی کوردستان کراوە.
دوای کۆبوونەوەمە محەمەدی حاجی مەحمود سکرتێری حزبی سۆسیالیست دیموکراتی کوردستان رایگەیاند، کۆبوونەوەکە باسی پەیوەندییەکانی نێوان هەرێمی کوردستان و عێراق، کۆدەنگیی لایەنە کوردییەکان کراوە.
هەوەرها وتی، باس لە کێشە و ناکۆکییەکانی لایەنەکانی هەرێمی کوردستان و ناکۆکییەکانی نێوان یەکێتی و پارتی کراوە، کۆدەنگی هەبووە لەسەر چارەسەرکردنی ناکۆکییە ناوخۆییەکان.
راشیگەیاند، “هەموو لایەنەکان یەکدەنگ بوون کە بە هەوڵی هەموو لایەک هەوڵبدرێت ئەنجومەنێکی سیاسی لە سەرجەم لایەنەکان دروستبکرێت لە هەرێمی کوردستان”.
کۆبوونەوەی ئەمڕۆی بافڵ جەلال تاڵەبانی لەگەڵ کەسی یەکەمی لایەنە سیاسییەکانی هەرێمی کوردستان کە 17 حزب تێیدا بەشداربوون، زیاتر لە چوار کاتژمێری خایاند و جگە لە پارتی دیموکراتی کوردستان سەرجەم لایەنە بانگهێشتکراوەکان ئامادەبوون.
