سەرۆكی هەرێم سەردانی شاری دهۆك دەكات بۆ بەشداریكردن لە پرسەی قوربانییانی رووداوی تەقینەوەی غازی شارەكەدا.
پاشنيوه‌ڕۆى ئه‌مڕۆ نێچيرڤان بارزانى، سه‌رۆكى هه‌رێمى كوردستان سه‌ردانى شارى دهۆكى كرد و به‌شدارى له پرسه‌ى ئه‌و پێنج قوربانييه‌دا كرد كه شه‌وى دووشه‌ممه له ئه‌نجامى رووداوێكى ته‌قينه‌وه‌ى غازدا، گيانيان له‌ده‌ستدا.
نێچيرڤان بارزانى، سه‌ره‌خۆشى له خێزان و كه‌سوكارى قوربانييان و خه‌ڵكى پارێزگاى دهۆك به‌گشتى كرد و هاوسۆزى و هاوخه‌ميى قووڵى خۆى له‌گه‌ڵياندا ده‌ربڕى.
لاى خۆيانه‌وه خێزان و كه‌سوكارى قوربانييان سوپاس و پێزانينيان بۆ هاوخه‌مى و به‌شداريى سه‌رۆكى هه‌رێم له پرسه‌كه‌ياندا ده‌ربڕى، وەك ئەوەی راگەیاندنی سەرۆكایەتیی هەرێم ئاماژەی پێداوە.
بڵاویشیكردەوە، نێچيرڤان بارزانى به‌رنامه‌ى ئه‌مڕۆى دووه‌م رۆژى سه‌ردان و كۆبوونه‌وه‌كانى له به‌غداد له‌گه‌ڵ هێز و لايه‌نه سياسييه عێراقييه‌كان هه‌ڵوه‌شانده‌وه، بۆ ئه‌وه‌ى به‌شدارى له پرسه‌ى قوربانييانى دهۆك و خه‌مى كه‌سوكارياندا بكات.
