یاسای پەروەردە و فێرکردن گەیشتووەتە سەرۆکایەتی هەرێم

سەرۆکی فراکسیۆنی یەکێتی لە پەرلەمانی کوردستان رایگەیاند، یاسای پەروەردە و فێرکردن گەیشتووەتە سەرۆکایەتی هەرێم و لە دوای پەسەندکردنی لە رۆژنامەی وەقائعی کوردستان بڵاودەکرێتەوە.

زیاد جەبار، سەرۆکی فراکسیۆنی یەکێتی لە پەرلەمانی کوردستان بە تۆڕی میدیایی ئێستای راگەیاند، “دوای ئەوەی یاسای پەروەردە و فێرکردن لە پەرلەمانی کوردستان دەرچوو، ئێستا چووەتە سەرۆکایەتی هەرێم و دوای پەسەندکردنی لە چەند رۆژی داهاتوودا لە رۆژنامەی وەقائعی کوردستان بڵاودەکرێتەوە”.

ئاماژەی بەوەش کرد، “یاسای پەروەردە و فێرکردن یەکێکە لەو یاسا باشانەی لەم خولەی پەرلەمانی کوردستاندا دەرکران و بۆ ماوەیەکی زۆر و بە وردی کاری لەسەرکراوە”.

ئاشکراشی کرد، “سەبارەت بە جێبەجێکردنی بڕیارەکە، بۆ ئەمە پێویست دەکات وەزارەتی پەروەردە رێنمایی بۆ دەربکات، بۆ ئەمەش بەراستی کاتی پێویستە ئەوە نییە، بتوانیت بڵێیت بە مانگێک یان مانگ و نیوێك دەتوانرێت ئەنجامبدرێت، بۆیە وەزارەتیش بۆ ئەم کارە کاتێکی خۆی دەوێت”.

 

بابەتی پێشتر

دارایی پەرلەمان: بودجەی 2023 دەگاتە 130 ملیار دۆلار و کورتهێنان 25% دەبێت

بابەتی دواتر

ئاوات حوسامەدین: بڕینی بودجە لەگەڵ هاوسەرەكەم تووشی كێشەی كردووم

بابەتی پەیوەندیدار
Total
0
Share