تەقینەوەیەکی دیکە ئیستانبوڵی هەژاند

درەنگانی شەوی رابردوو تەقینەوەیەکی دیکە لە ناوچەی فاتیح لە ناوەڕاستی ئیستانبوڵ  روویدا.

بە پێی میدیا تورکییەکان، “درەنگانی شەوی رابردوو لە ناوچەی فاتیح لە ناوەڕاستی شاری ئیستانبوڵ ئۆتۆمبێلێک گڕیگرتووە   و دەنگی تەقینەوەش دروستبووە و بەهۆی زۆری ئاگرەکەی ژمارەیەک ئۆتۆمبێلی دیکە ئاگریان گرتووە”.

لە رووداوەکەدا شەش ئۆتۆمبێل بە تەواوی سووتان، بەڵام جگە لەو زیانە ماددیانە هیچ زیانێكی گیانی بە دواوە نەبووە.

تا ئێستا بەرپرسە ئەمنییەکانی تورکیا هۆکاری رووداوەکە و ئەوەی کە تیرۆرستی بووە یان نا، ئاشکرا نەکردووە.

ئەمە لەکاتێکیدایە لە سێ رۆژی رابردوودا تەقینەوەیەکی بەهێزی دیکە شارەکەی هەژاند و بەهۆیەوە دەیان کەس کوژران و برینداربوون.

 

بابەتی پێشتر

دوو مووشەک لە خاکی پۆڵەندا کەوتنە خوارەوە

بابەتی دواتر

بە هۆی خراپی کەشوهەواوە تاقیکردنەوەکان لە پارێزگایەک راگیران

بابەتی پەیوەندیدار
Total
0
Share