تەنها لە شارۆچکەیەکدا 120 منداڵ بەشوو دراون

تەنها لە شارۆچکەیەکی پارێزگای ئەردەبیل لە ئێران 120 منداڵ بە شودراون و لەسەر دۆسییەکە چەندین کەس ڕەوانەی زیندان کراون.

بە وتەی عەزیم ئەکبەری، داواکاری گشتی ئەو شارە، چەندین کەس دەستگیرکراون کە ڕۆڵیان هەبووە لە مارەکردن و بەشوودانی ئەو 120 منداڵەی تەمەنی یاساییان تەواو نەکردووە بۆ هاوسەرگیری.

بە وتەی ئەو بەرپرسەی دادگای شارەکە، ئەو کەسانەی دەستگیرکراون لە خێزانی منداڵەکانن و هەم لەو نوسینگانەشن کە پرۆسەی هاوسەرگیرییەکانیان تێدا ئەنجامدراوە.

لە دوای قوڵبوونەوەی سزا ئابوورییەکانی سەر ئێران دیاردەی کۆمەڵایەتی نامۆ لە زۆرینەی شارەکاندا ڕویداوە، بە تایبەت مامەڵەکردن بە ژنانەوە و خێزانی ئەو منداڵانە بۆ دەستکەوتنی بڕێک پارەیەک منداڵە کچەکانیان بە شوو دەدەن.

یەکێکی دیکە لەو دیاردە کۆمەڵایەتیانەی کە بەهۆی قەیرانی داراییەوە لە ئێران دروست بووە بەکرێدانی منداڵدانی ژنانە و زۆرجار بە پارە ژنان منداڵ بە کرێ بۆ خەڵکی دیکە هەڵدەگرن.

بابەتی پێشتر

نرخی نەوت بەردەوامە لە بەرزبوونەوە

بابەتی دواتر

مەترسی هەیە كامپی هۆل ببێتە شوێنی چالاكییەكانی داعش

بابەتی پەیوەندیدار
Total
1
Share