زانایانی بواری تەندروستیی هۆشداریی لە بڵاوبوونەوەی پەتایەکی نوێ دەدەن کە لەم زستانەدا زۆرترین کەس تووشدەکات و نیشانەکانی لە پەتا زستانییەکانی دیکە دەچن.
پێگەی سکای نیوز ئەمڕۆ سێشەممە بڵاویکردووەتەوە، “ڤایرۆسێکی نوێ بڵاوبووەتەوە کە (ڤایرۆسی هەناسەدانی خانەیی) پێدەوترێت و لەم زستانەدا هاوڵاتییەکی زۆر تووشدەکات”.
ئاماژەی بەوەش کردووە، “نیشانەکانی تووشبوون و خۆپاراستن لێی هەمان شێوەی پەتای زستانەیە، بەڵام مەترسیی لەسەر منداڵان زیاترە”.
ئاشکراشی کردووە، “ڤایرۆسەکە لەو کەسانەی بەرگری جەستەیان کەمە یان چوونەتە تەمەنەوە دەبێتە هۆی هەوکردنی سییەکان و هەڵئاوسانی بۆری هەناسە”.
پێشبینی دەکرێت لە ئایندەیەکی نزیکدا ڤاکسینی تایبەت بەم ڤایرۆسە بکەوێتە بازاڕەکانی جیهانەوە.
