ئۆپیک: عێراق لە مانگی رابردوودا بەرهەمهێنانی نەوتی بەرزکردووەتەوە

رێکخراوی ئۆپیک رایگەیاند، لە مانگی رابردوودا لە کۆی 13 دەوڵەتیی ئەندامی رێکخراوەکە بەرهەمی نەوتی هەشت دەوڵەتیان کەمیکردووە و لەبەرامبەریشدا بەرهەمی چوار دەوڵەتیان زیادیکردووە لە ناویشیاندا عێراق.

رێکخراوی ئۆپیک ئەمڕۆ سێشەممە لە راپۆرتێکدا بڵاویکردەوە، “لە مانگی تشرینی یەکەم سعودییە نزیکەی 149هەزار بەرمیلی رۆژانە بەرهەمهێنانی نەوتی کەمکردووەتەوە و رۆژانە 10 ملیۆن و 838 هەزار بەرمیل بەرهەمی هەبووە، لەدوای ئەویش ئەنگۆلا 78 هەزار بەرمیلی رۆژانە بەرهەمهێنانی کەمکردووەتەوە و و کۆنگۆش 19 هەزار بەرمیل و کوەیت 18 هەزار بەرمیل و غینیای ئیستیوائی 14 هەزار بەرمیلی رۆژانە بەرهەمیان کەمیکردووە”.

ئاماژەی بەوەش کردووە، “نێجیریا رۆژانە 33 هەزار بەرمیل بەرهەمهێنانی رۆژێکدا، دوای ئەویش عێراق بڕی بەرهەمی رۆژانەی بۆ 20 هەزار بەرمیل بەرزکردووەتەوە و بەرهەمی رۆژانەی 4.572 ملیۆن بەرمیل نەوت بووە، لە دوای ئەویش گابون  12 هەزار بەرمیل بەرهەمی رۆژانەی نەوتی بەرزکردووەتەوە”.

هاوکات رێکخراوەکە پێشبینی کردووە، گەشەی خواستی جیهانی لەنێوان ساڵی 2022 – 2023 ، 100 هەزار بەرمیل رۆژانە بەرزدەبێتەوە.

بابەتی پێشتر

سەرۆك كۆماری عێراق سەردانی هەولێر دەكات

بابەتی دواتر

کەشناسیی هەرێم کاتی بارینی یەکەم بەفری ئەمساڵی راگەیاند

بابەتی پەیوەندیدار
زیاتر ببینە

دۆلار ڕۆژێكی ڕەشی تۆمار كرد

بەهای دۆلار بەرامبەر دراوە كێبڕكێكارە سەرەكییەكانی بەجۆرێك دابەرزیوە، كە لەماوەی دوو ساڵ و نیوی ڕابردوودا دابەزینی وای بەخۆیەوە…
Total
0
Share