قائیماقمیەتی پێنجوێن رایگەیاند، رۆژی چوارشەممە دابەشکردنی نەوتی سپی لە سنوورەکە دەستپێدەکات و چەند قۆناغێك دەخایەنێت.
قائیمقامیەتی قەزای پێنجوێن ئەمڕۆ دووشەممە بڵاویکردەوە، “”ئاگاداری دانیشتووانی قەزای پێنجوێن و هەردوو ناحیەی گەرمک و ناڵپارێز دەکەین کە رۆژی چوارشەممە یەکەم وەجبەی نەوتی سپی دێت بۆ قەزای پێنجوێن و بەسەر هاوڵاتییان دابەشدەکرێت.”
ئاماژەی بەوەش کردووە، “بە کارتی سوتەمەنی ( پێنجوێن کۆدی 283) و کۆپی ناسنامە یاخود هەر بەڵگەنامەیەکی تری فەرمی نەوتەکە دەدرێت بە هاوڵاتییان، نرخی یەک بەرمیل نەوت بە 103 هەزار و 500 دینار دەبێت”.
ئاشکراشی کرد، “داوا لە هاوڵاتییان دەکەین لە گەڕەکەکانی خۆیاندا بەرمیل ریزبکەن چونکە بە چەند قۆناغێک لە تەواوی ناوچەکە دابەشدەکرێت”.
