كەمێك لەمەوبەر سێ مووشەك بەر بارەگای حزبی دیموكرات لە كۆیە كەوتن و وەزارەتی تەندروستی زیانەكانی ئاشكراكرد.
پەیامنێری تۆڕی میدیایی ئێستا رایگەیاند، سێ مووشەك نراون بە بارەگای حزبی دیموكرات لە كۆیە و بەپێی زانیارییەكان بۆردومانەكە لە رێگەی چەند درۆنێكەوە ئەنجامدراوە، بەو هۆیەوە خوێندكاران ناوەندەكانی خوێندنیان لە كۆیە چۆڵكردووە.
لەبارەی زیانەكانی مووشەكبارانەكەوە، وەزارەتی تەندروستیی هەرێمی كوردستان ڕایگەیاند، “هەشت بریندار و یەک شەهید گەیەندراونەتە نەخۆشخانە، ئەمبوڵانس و تیمەکانی پزیشکی و نەخۆشخانە لە ئامادەیی پێشوازیكردن لە برینداران و چارەسەرکردنیاندان”.
وەزارەتی تەندروستی لە راگەیەندراوێكدا پێشبینیكردووە ژمارەی قوربانییانی مووشەكبارانەكە زیاترببن.
هاوكات لە سنووری برادۆست ناوچەكانی بەربزێن و بناری چیای سەقەر تۆپبارانكران و تا ئێستا زیانەكانی تۆپبارانكردنەكە نەزانراوە.
