ره‌جه‌ب ته‌یب ئه‌ردۆغان سه‌رۆك كۆماری توركیا، جۆ بایدن سه‌رۆكی ئه‌مریكا تۆمه‌تبارده‌كات بەوەی نەیارەكانی داڵده‌داوە.
ره‌جه‌ب ته‌یب ئه‌ردۆغان سه‌رۆك كۆماری توركیا ئه‌مڕۆ شه‌ممه رایگەیاند، جۆ بایدن، فه‌تحوڵڵا گویله‌ن و چەندین ئه‌فسه‌ری سه‌ربازی و ئه‌منیی توركیا كه ئه‌نقه‌ره ده‌یان فه‌رمانی ده‌ستگیركردنی بۆ ده‌ركردوون پاراستووه.
ئه‌ردۆغان لە وتەیەكدا بۆ میدیا وتی، “ئێستا كێ فه‌تحوڵڵا گویله‌ن و هاوڕێكانی ده‌پارێزێت؟ ئەوان بە ئازادی هاتوچۆدەكەن و بایدن له پێنسیلڤانیا كۆشكێكی گه‌وره‌ی به گویله‌ن داوه و ده‌یپارێزێت”.
لە دوای كودەتاكەی ساڵی 2016ی توركیاوە كە رەجەب تەیب ئەردۆغان رێكخراوی گویله‌ن-ـی بە ئەنجامدانی تۆمەتباركرد، فه‌تحوڵڵا گویله‌ن رابەری بزوتنەوەكە پەنای بۆ ئەمریكا بردووە و چەندین جار توركیا داوای رادەستكردنەوەی كردووە.
