شەوی رابردوو لە شاری کەرکوک پیاوێک تەقەی لە برای هاوسەرەکەی کرد و برینداری کرد.
راگەیاندنی بەڕێوەبەرایەتیی پۆلیسی کەرکوک ئەمڕۆ شەممە بڵاویکردەوە، “شەوی رابردوو لە ناو بازاڕی رەحیماوا کەسێک تەقەی کرد و لە ئەنجامدا کەسێک برینداربوو”.
ئاماژەی بەوە کرد، “لە دوای لێکۆڵینەوە دەرکەوتووە، تەقەکەرە هاوسەری خوشکی بریندارەکەیە و کێشەی کۆمەڵایەتی لەنێوانیاندا هەبووە و ئەوەش هۆکاری رووداوەکە بووە”.
ئاشکراشی کرد، “لەدوای ماوەیەکی کەم لە رووداوەکە توانراوە تۆمەتبارەکە دەستگیربکرێت و رەوانەی لایەنە پەیوەندیدارەکان بکرێت”.
