بەخێوكردنی تیمساح-ی لە باپیرانەوە بۆ ماوەتەوە

رۆبێرت ئیروین لە هەمان شوێندا هەمان كار دەكات كە ستیڤن ئیروین-ی باوكی بەر لە 15 ساڵ ئەنجامیدەدا.

ستیڤن رۆبێرت ئیروین-ی باوكی (22ی شوباتی 1962 – 4ی ئەیلولی 2006)، نازناوی “راوچیی تیمساح”ی لێنرابوو، پارێزەری باخچەی ئاژەڵان، پارێزەر، کەسایەتیی تەلەفزیۆنی، شارەزای ئاژەڵە کێوییەکان و ژینگەپارێزی ئوسترالی بووە.

ئیروین لە دەوری تیمساح و پەلەوەرەکانی دیكە گەورە بووە و لەلایەن بۆبی باوکیەوە سەبارەت بەوانە پەروەردە كراوە. ناوبانگێکی جیهانی بەدەستهێنا لە زنجیرە تەلەفزیۆنییەکەی راوچیی تیمساح (1996-2007)، زنجیرەیەکی بەڵگەنامەیی گیانلەبەرە کێوییەکان کە لە ئاستی نێودەوڵەتیدا پەخشدەكرا و لەگەڵ تێری-ی هاوسەرەکەیدا بە هاوبەشی میواندارییان دەکرد. ئەوان خاوەن و بەڕێوەبەری باخچەی ئاژەڵانی ئوسترالیا بوون، كە لە باوكییەوە بۆی مابووەوە.

لە ساڵی 2006 لە کاتی وێنەگرتنی فیلمێکی دیکۆمێنتاری ئیروین برینداربوو و دواتر بەهۆیەوە گیانیلەدەستدا.

ژمارەیەکی زۆر لە پارکەکان، باخچەی ئاژەڵان، شەقامەکان، کەشتیی MY Steve Irwin، جۆرێكی مارمێلکە Crikey steveirwini و ئەستێرە بچووکەکەی 57567 Crikey بە شەرەفی ئەوەوە ناونراون. خێزانی ئیروین بەردەوامن لە بەڕێوەبردنی باخچەی ئاژەڵانی ئوسترالیا و وێنەی كوڕەكەشی سەلمێنەری ئەوەیە.