دژی پڕۆژەیاسای “سەربازیی زۆرەملێ” ئەمڕۆ هەینی لە بەغداد خۆپیشاندان ئەنجامدەدرێت.
بزوتنەوەی (أنا عراقی) كە سەرپەرشتیی خۆپیشاندانەكە دەكات، رایانگەیاند، خۆپیشاندانەكە لە ناوچەی كەڕادەی بەغداد بەڕێوەدەچێت و تیایدا داوادەكەن پڕۆژەیاسای “سەربازیی زۆرەملێ” رەتبكرێتەوە.
بزوتنەوەكە ئاماژەی بۆ ئەوەش كرد، پڕۆژەیاساكە بارگرانییەكی دارایی زۆر لەسەر بودجەی عێراق دروستدەكات و هەوڵێكیشە بۆ بەسەربازیكردنی كۆمەڵگە، بۆیە پێشنیازدەكەین ڕێكاری دیكە بگیرێتەبەر بۆ ڕەخساندنی دەرفەتی كار بۆ گەنجان.
