بەڕێوەبەرایەتیی ئاسایشی ڕۆژئاوای سلێمانی ڕایدەگەیەنێت، لەئەنجامی شەڕ و ڕووبەڕووبوونەوە لەگەڵ ھێزەكانمان لە ناوچەی كچانی سەنگاو دوو چەكداری تیرۆریست كوژران.
بەپێی ڕاگەیەندراوێكی بەڕێوەبەرایەتیی ئاسایشی ڕۆژئاوای سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، لە كاتی گەمارۆدانیان تیرۆریستەكان ڕووبەڕووی ھێزەكانی ئاسایش بوونە دوای 30 خولەك شەڕ و پێكدادان ھەردوو چەكدارە تیرۆریستەكە كوژران.
لە ڕاگەیەندراوەكەدا هاتووە، ھێزەكانی دەزگای ئاسایشی ھەرێم زانیاریی وردی ھەبووە لەسەر جموجۆڵەكانیان و خرابوونە ژێرچاودێری وردەوە و دوای ڕەزامەنديی دادوەر ئۆپەراسيۆنی دەستگیركردنیان دەستیپێكرد و هێزە ئەمنییەكانيش سەلامەتن.
