دوای بڵاوبوونەوەی هەواڵی گیانلەدەستدانی ئەو ژنەی دەوترێت لە لایەن خەسوویەوە سووتێندراوە، لایەنی پەیوەندیدار هەواڵەكەی رەتدەكاتەوە.
نەقیب راز فریا وتەبێژی بەڕێوەبەرایەتیی گشتیی توندوتیژی دژی ئافرەتان و خێزان لە سلێمانی بە ئێستای راگەیاند، هەواڵی گیانلەدەستدانی ئەو ژنە لە راستییەوە دوورە و باری تەندروستیی جێگیرە.
لای خۆیەوە برایەكی هاوسەری ئەو ژنەی دەوترێت لە لایەن خەسوویەوە سووتێندراوە، لە لێدوانێكدا بۆ ئێستا جەختیكردەوە لەوەی ژنەكە لە ژیاندا ماوە و ئەو كەسەی بەهۆی سووتاویی جەستەیەوە گیانیلەدەستداوە، ژنێكی دانیشتووی گەڕەكی شۆریجەی شاری كەركوكە.
