بەپێی ئامارێكی بەڕێوەبەڕایەتیی گشتیی تەندروستیی سلێمانی لە ماوەی مانگی ڕابردوودا بە تەنها لە نەخۆشخانەی منداڵبوونی فریاكەوتنی فێركاری لە سلێمانی پێنج هەزار و 870 نەخۆش سەردانی نەخۆشخانەكەیان كردووە و لەو ژمارەیەش هەزار و 134 نەخۆش داخڵكراون و چارەسەری پێویستیان بۆ كراوە.
لە ڕاگەیەندراوەكەدا هاتووە، لە مانگی ڕابردوودا 911 منداڵ لە نەخۆشخانەی منداڵبوونی فریاكەوتنی فێركاری لەدایكبوون كە 475 منداڵیان كوڕبوون و 436 منداڵیان كچ بوون.
ئاماژە بۆ ئەوەش كراوە، 571 منداڵیان بە شێوەی سروشتی لە دایكبوون و ئەوانەی دیكەی لە ڕێگای نەشتەرگەرییەوە لە دایكبوون و 654 منداڵ لە بەشی نەبەكام داخڵكراون و شەش حاڵەتی لەدایكبوونی دووانە تۆماركراون كە هەزار و 446 سۆنەریش گیراون.
