نوێنەری دەزگای لوتكە بۆ كاروباری ئاوارە و پەنابەران لە یۆنان ڕایدەگەیەنێت، بەهۆی نووقمبوونی بەلەمێك لە نزیك كەناراوەكانی یۆنان 58 كۆچبەر بێسەروشوێنبوون و 10 كۆچبەر ڕزگاركراون.
حسێن حەمەساڵح نوێنەری دەزگای لوتكە بۆ كاروباری ئاوارە و پەنابەران لە یۆنان لە لێدوانێكدا بە تۆڕی میدیایی ئێستای ڕاگەیاند، بەلەمێك لە توركیاوە بەڕێكەوتووە بۆ یۆنان و نزیك ئێڤیا كێشەی بۆ دروستبووە و نووقمبووە و بەهۆیەوە 58 كۆچبەر تا ئێستا بێسەروشوێنن و 10 كۆچبەریش ڕزگاركراون و وەكو ئەوەی دەوترێت بەلەمەكە 68 كۆچبەری هەڵگرتووە.
ئاماژەی بۆ ئەوەش كرد، تائێستا ناسنامەی ئەو كۆچبەرانەی بێسەروشوێنبوون ئاشكرانەكراوە، بەڵام بەپێی ئەو زانیارییانەی كە هەن بەشێكی زۆری كۆچبەرەكان میسری، ئەفغانی و ئێرانین.
