شاندێكی یەكێتیی نیشتمانیی كوردستان بە سەرۆكایەتیی ئاسۆ مامەند كارگێڕی مەكتەبی سیاسیی یەكێتی سەردانی بەڕێوەبەرایەتیی گشتیی دەزگای دژەتیرۆری كرد.
لە كۆبوونەوەیەكدا بە ئامادەبوونی وەهاب هەڵەبجەیی بەڕێوەبەری گشتیی دژەتیرۆر و ژمارەیەك لە فەرماندەكان، شاندی یەكێتیی بە گرنگییەوە باسیان لە ڕۆڵی هێزی دژەتیرۆر وەك هێزێكی نیشتمانی كرد كە لە شەڕی دژی تیرۆر ڕۆڵی كاریگەریان هەبووە و بەرەنگاری تیرۆریستان بوونەتەوە و بەردەوامن لەو ئەركە پیرۆزە نیشتمانییە.
لە بەشێكی تری كۆبوونەوەكەدا، شاندی یەكێتی سەرنج و تێڕوانینی یەكێتیی نیشتمانیی كوردستانیان لەبارەی دۆخی حوكمڕانیی هەرێمی كوردستانەوە خستەڕوو و جەختیان لە هەڵوێستەكان كردەوە.
