بەهای دۆلاری ئەمریكی دوای چەند رۆژێك لە نزمبوونەوە، لە عێراق و هەرێمی كوردستان بەرزبووەوە، بەڵام لەسەر ئاستی جیهان دابەزی.
لە چەند رۆژی رابردوودا بەهای 100 دۆلاری ئەمریكی لە بازاڕەكانی هەرێمی كوردستان و عێراق نزمبووەوە بۆ كەمتر لە 146 هەزار دینار، بۆ راگرتنی هاوسەنگی و هێشتنەوەی بەهاكەی لەو ئاستەی پێشتری، بانكی ناوەندی فرۆشی دۆلاری لە نزیكەی 200 ملیۆن دۆلاری رۆژانەوە بۆ كەمتر لە 160 ملیۆن دۆلار دابەزاند و ئەوەش بەهای هەر دۆلارێكی بەرزكردەوە بۆ سەرووی 1460 دینار.
هاوكاتی بەرزبوونەوەی بەهای دۆلار لە ناوخۆدا، لەسەر ئاستی جیهان دۆلار پاشەكشێیكرد و بەرامبەر بە دراوە سەرەكییەكانی پاوەند، یۆرۆ و یەن دابەزی. بۆ بەرزكردنەوەی بەهای دراوەكەی، پێشبینیدەكرێت ئەمریكا لە سبەینێ چوارشەممەوە رێژەی سوود لەسەر یەدەگی فیدراڵیی خۆی لە دۆلار بە 75 خاڵ بەرزبكاتەوە.
