سوپای عێراق، ئەمڕۆ یەکشەممە 6ی کانونی یەکەم، کوژرانی شەش ئەندامی ڕێکخراوی داعشی لە پارێزگای کەرکوک ڕاگەیاند.
لە ڕاگەیەنراوێکی شانەی ڕاگەیاندنی ئەمنیی سەربە فەرماندەیی ئۆپەراسیۆنە ھاوبەشەکانی عێراق، فڕۆکە جەنگییەکانی ھاوپەیمانیی نێودەوڵەتی دژبە داعش لەسەر فەرمانی فەرماندەیی ئۆپەراسیۆنە ھاوبەشەکان، حەشارگەیەکی داعشیان لە ناوچەی سەرجوان سەربە قەزای دوبز باکوری ڕۆژئاوای کەرکوک بۆردومانکردووە.
لە ڕاگەیەنراوەکەدا ئاماژە بەوەکراوە کە لە ئاکامی بۆردومانەکەدا، شەش ئەندامی ڕێکخراوی داعش کوژراون و حەشارگەکەش خاپور کراوە.
