هەڵاوسانی ئابوری لە ئیتاڵیا گەیشتووەتە نزیكەی 12% و بەرزترینی 40 ساڵی رابردووی تۆماركردووە.
نووسینگەی ئاماری نیشتمانیی ئیتاڵیا رایگەیاند، لە مانگی تشرینی یەكەمدا رێژەی هەڵاوسان بۆ 11.9% بەرزبووەتەوە و هۆكارەكەی پەیوەستە بە بەرزبوونەوەی تێچووی وزە لە ئەوروپا.
هەڵاوسانەكەی ئیتاڵیا، بوارەكانی وزە و خۆراكی گرتووەتەوە و وزە بە رێژەی 73.2% بەرزبووەتەوە و نرخی خۆراكیش بە رێژەی 13.1% بەرزبووەتەوە، بەوەش ناجێگیری لە دۆخی ئابوریی وڵاتەكەدا هاتووەتە ئاراوە.
جگە لە ئیتاڵیا، بەریتانیا بە دۆخێكی ئابوریی ناجێگیردا گوزەردەكات و قەیرانی وزە و سووتەمەنی خۆرئاوای ئەوروپای گرتووەتەوە و ترس هەیە لەوەی بەهۆی جەنگی ئۆكرانیا و كەمبوونەوەی گەیشتنی غازی سروشتی لە خۆرهەڵاتی ئەوروپاوە، زستانی ئەمساڵ بە سەختی تێپەڕببێت.
