ئوسترالیا ئەمڕۆ شەممە چوار ژن و 13 منداڵی لە خێزانەکانی داعش کە لە کامپی هۆل دەمێننەوە گەڕاندەوە بۆ وڵاتەکەی.
ئەمە یەکەم هەنگاوی ئوسترالیایە لە چوارچێوەی گەڕاندنەوەی 20 ژن و زیاتر لە 40 منداڵی ئوسترالی کە ئێستا لە کامپەکەدا دەمێننەوە.
وەزیری ناوخۆی ئوسترالیا ئاشکرایکرد، بە لەبەرچاوگرتن و لێکۆڵینەوە لەلایەن دەزگای ئاسایشی نیشتمانیی وڵاتەکەیانەوە بڕیاری گەڕاندنەوەی ئەو کەسانەیان داوە.
ئاماژەی بەوەشکرد، ئەگەر بگەنە ئەو ئەنجامەی کە ژنەکان بەشداریی چالاکییەکانی ڕێکخراوی داعشیان کردووە، دەکرێت لە ئوسترالیا دادگایی بکرێن.
