کەشناسیی هەرێمی کوردستان کەشوهەوای ئەمڕۆ و سبەینێی بڵاوکردەوە، بەپێی پێشبینییەکان لە سبەینێوە تاوەباران دەستپێدەکات و پلەکانی گەرماش نزمدەبنەوە.
کەشناسیی ئاشکرایکردووە، ئەمڕۆ پێنجشەممە ئاسمان لەنێوان هەور و نیمچەهەور دەبێت لەگەڵ ئەگەری بەرزبوونەوەی تۆزیکی سووک کە لە ناوچەکانی باشووری هەرێم کاریگەریی کەمێک زیاتر دەبێت، هەروەها لەناوچە شاخاویە سنووریەکانی باکووری هەرێم ئەگەری کەمێک تاوەباران و هەورە بروسکە هەیە لە کاتەکانی ئێوارە.
پلەکانی گەرما 2 بۆ 3 پلەی سەدی نزمدەبێتەوە.
سبەینێ هەینی، ئاسمان بەگشتی هەور دەبێت لەگەڵ ئەگەری تاوەباران و بروسکە کە سەرەتا لە ناوچەکانی رۆژئاوای هەرێم (پارێزگای دهۆک) دەستپێدەکات پاشان زۆربەی ناوچەکانی تری هەرێم دەگرێتەوە، بەشێوەی تاوە باران و هەورە بروسکەی پچڕ پچڕ، رێژەی دابارین لەناوچەکانی بادینان زیاتر دەبێت، کاریگەرىی ئەم ناجێگیریەی کەش تا رۆژی شەممە بە لاوازی دەمینێتەوە .
هەروەها پلەکانی گەرما نزمبوونەوەیەکی بەرچاو بەخۆوە دەبینێت بەجۆرێک 4 بۆ 6 پلە نزمدەبێتەوە لە ناوچە جیاجیاکان بە بەراورد بە تۆمارکراوەکانی ئەمڕۆ.
