یاریدەدەی سەرۆك وەزیران رایدەگەیەنێت، هەفتەی داهاتوو تەواوكاریی لیستی مووچەی مووچەخۆرانی هەرێم بڵاودەكرێتەوە و دەشڵێت، “بەهۆی نەناردنی مووچەی هێزە ئەمنییەكانەوە راگەیاندنی لیستی مووچە دواكەوت”.
رێباز حەملان یاریدەدەی سەرۆك وەزیرانی هەرێم لە دیدارێكی تەلەفزیۆنیدا رایگەیاند، بۆ مووچەی مووچەخۆرانی هەرێم پێویستمان بە 949 ملیار دینار هەیە، بەڵام نزیكەی 600 ملیار دینار نێردرا و مووچەی هێزە ئەمنییەكان رەوانە نەكرا و ئەوەش وایكرد راگەیاندنی لیستی مووچەی مانگی شوبات دواكەوت.
جەختیشیكردەوە، هەفتەی داهاتوو تەواوكاریی لیستی مووچەی مووچەخۆرانی هەرێمی كوردستان بڵاودەكرێتەوە كە ئەمڕۆ لە لیستەكەدا نەبوون.
