وتەبێژی پۆلیسی راپەڕین رایگەیاند، کەسێکیان بە تۆمەتی بەڕێکردنی هاوڵاتیان بە شێوەی قاچاخ بۆ دەرەوەی وڵات دەستگیرکردووە.
شۆڕش ئیسماعیل وتەبێژی پۆلیسی ڕاپەڕین ڕایگەیاند، “لەسەر سکاڵای هاوڵاتییان و لەسەر فەرمانی دادگا ئەمڕۆ لەلایەن پۆلیسی ڕاپەڕین تۆمتبارێک بەناوی (ب،م،ع) لەدایکبووی ساڵی 1986 بەپێی ماددەی 10 لە یاسای ژمارە 76 ساڵی 2001 سەرۆکایەتی هەرێم، دەستگیر کرا”.
ئاماژەی بەوەش کرد، “تۆمەتبارەکە لە ڕانیە دەستگیرکراوە لەلایەن پۆلیسی ڕاپەڕین، ئێستا ڕەوانەی لای دادوەری لێکۆڵینەوەی حاجیاوا کراوە بۆ وەرگرتنی وتەکانی”.
ئاشکراشی کرد، “ئەم کەیسە تایبەتە بە بەڕێکردنی خەڵک بۆ دەرەوەی وڵات بە قاچاخ”.
