شارەوانیی سلێمانی رایدەگەیەنێت، بە هاوكاریی فەرمانگە پەیوەندیدارەكان دەستدەكەنەوە بە كۆكردنەوەی سەگی بێلانە.
سەرۆكایەتیی شارەوانیی سلێمانی رایگەیاند، فەرمانگەكەیان بە هاوكاریی بەڕێوەبەرایەتیی پۆلیسی سلێمانی و بەڕێوەبەرایەتیی ڤێتێرنەری سلێمانی دووبارە دەستیانكردووە بە كۆكردنەوەی سەگی بێلانە.
دەشڵێت، هەڵمەتەكەیان بەپێی پلانێكی بۆ داڕێژراو، قۆناغ بە قۆناغ دەبێت و دەگوازرێنەوە بۆ پەناگەكەیان لە رێگای سلێمانی-عەربەت.
هەڵمەتەكەی پشتئەستوورە بە بڕیاری ئەنجومەنی شارەوانی سلێمانی ژمارە (38 لە 2022/3/17) و لەسەر داواكاری و سكاڵای هاوڵاتییان و بەمەبەستی پاراستن و سەلامەتییانە، وەك ئەوەی سەرۆكایەتیی شارەوانیی سلێمانی ئاماژەی پێداوە.
