لە خوێندگەی بەردەکەڕی بنەڕەتی لە گوندی بەردەکەڕ ڕووداوێکی ئاگرکەوتنەوە ڕوویداوە و چوار کەس برینداربوون.
بەپێی وتەی مامۆستایەکی خوێندگەکە کە قسەی بۆ تۆڕی میدیایی ئێستا کرد، ڕووداوەکە کاتژمێر 9:15 خوولەک ڕوویداوە لە کاتی وانەی سێیەمی خوێندکارەکاندا بووە.
مامۆستاکە ئاماژەی بەوە کرد، ئەو سووتەمەنییەی وەک نەوت بۆ وەرزی زستان دراوە بە خوێندنگەکە نەوت نەبووە و بەنزین بووە.
وتیشی، بەنزینەکە لە کۆگاکەدا بەتاڵکراوە بۆ ناو بەرمیلەکان بەبێ ئەوەی هیچ ئاگرێک هەبێت لەوێدا تەقیوەتەوە و گڕیگرتووە.
بەهۆی ڕووداوەکەوە مامۆستایەک، کارگوزارێک و دوو خوێندکار برینداربوون و گواستراونەتەوە بۆ نەخۆشخانە.
