وتەبێژی یەكێتیی نیشتمانیی كوردستان پەیامێكی پیرۆزبایی بەناوی یەكێتییەوە ئاراستەی محەمەد شیاع سودانی دەكات و هیوای سەركەوتنی لە ئەركەكەیدا بۆ دەخوازێت.
د. سۆران جەمال تاهیر، وتەبێژی یەكێتیی نیشتمانیی كوردستان ڕایدەگەیەنێت، ”بەناوی یەكێتیی نیشتمانیی كوردستانەوە پیرۆزبایی ڕاسپاردنتان بۆ پێكھێنانی حكومەتی نوێ لێدەكەین و ھیوای سەركەوتنتان لە ئەركەكانتاندا بۆ دەخوازین”.
لە پەیامەكەیدا هاتووە، قۆناغی سیاسیی نوێ لە عێراقدا پێویستی بە یەك وتاری و تەبایی نێوان هەموو هێز و لایەنەكانە و ئومێدیشمان چارەسەركردنی كێشەكانە لە پێناو داهاتوویەكی پرشنگدارتر و سەقامگیری سیاسی و كۆمەڵایەتی لە وڵاتدا.
ئاماژەی بۆ ئەوەش كردووە، ”یەكێتیی نیشتمانیی كوردستان چاوی لەوەیە كە حوكمڕانییەكی باشتر بۆ خزمەتكردنی وڵات و ھاوڵاتییان دەستبەرببێت و ئێمەش پشتوپەناتان دەبین لەم ھەنگاوە نیشتمانییەدا.
