وه‌زاره‌تى دارایی و ئابوریی هه‌رێمى كوردستان، چەند بڕیارێكی نوێی دەركرد و دەڵێت، به مه‌به‌ستى كه‌مكردنه‌وه‌ى رۆتین و خێراكردنى كاروبارى فه‌رمانگه‌كانە.
لە دەقی نووسراوی بڕیارەكاندا كە ئه‌مڕۆ چوارشه‌ممه بڵاوكراوەتەوە و واژووی ئاوات جەناب نوری وەزیری دارایی و ئابوریی لەسەرە، دەبێت هەموو نووسراوە فەرمییەكانی حكومەت لەسەر سیستمی (KFMS) و بە شێوەی سكانكراو بن.
وەزارەتی دارایی، نووسراوی بڕیارەكانی ئاراستەی سەرجەم وەزارەت و فەرمانگەكانی حكومەتی هەرێمی كوردستان كردووە و تیایدا هاتووە، بە هیچ شێوەیەك نووسراو و داواكاری و مامەڵە فەرمییەكان لەسەر كاغەز نەنووسرێن و لەسەر سیستمی بەڕێوەبردنی دارایی كوردستان (KFMS) پێشكەشبكرێن.
وه‌زاره‌تى دارایی و ئابوریی هه‌رێمى كوردستان ئاماژە بۆ ئەوە دەكات كە مەبەست لەم بڕیارە، كه‌مكردنه‌وه‌ى رۆتین و خێراكردنى كاروبارى فه‌رمانگه‌كانە له‌سه‌ر سیستمى به‌ڕێوه‌بردنى دارایی كوردستان.
