وەزارەتی پەروەردەی هەرێم ڕایدەگەیەنێت، هەشت ملیۆن لیتر نەوتی سپی بۆ ناوەندەكانی خوێندنی وەزارەتی پەروەردە دابیندەكرێت.
بەپێی ڕاگەیەندراوێكی وەزارەتی پەروەردەی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، بە بڕیاری حكومەتی هەرێم هەشت ملیۆن لیتر نەوتی سپی بۆ ناوەندەكانی خوێندنی وەزارەتی پەروەردە دابیندەكرێت.
لە ڕاگەیەندراوەكەدا هاتووە، پڕۆسەی دابەشكردنی نەوتی سپی دەستیپێكردووە، تا وەكو ئێستا دوو ملیۆن و 717هەزار و 275 لیتر نەوتی سپی بەسەر ناوەندەكانی خوێندندا دابەشكراون كە لە ناوچە ساردەكانەوە دەستیپێكراوە.
