لە شاری سامەرا ڕێوڕەسمی یادی لەدایکبوونی پێغەمبەری ئیسلام، بە شەڕ کۆتایی هات کە تێیدا دوو کەس برینداربوون.
بەپێی میدیا عێراقییەکان، ئێوارەی دوێنێ دووشەممە، لە شاری سامەرا ڕێوڕەسمی یادی لەدایکبوونی پێغەمبەری ئیسلام بەڕێوەچووە، بەڵام لە کۆتاییدا ڕێوڕەسمەکە گۆڕاوە بۆ شەڕی چەند کەسێک.
لەو شەڕەدا دوو کەس بە سەختی برینداربوون و دواتر دۆخەکە لە لایەن هێزە ئەمنییەکانەوە کۆنتڕۆڵکراوە و چەند کەسێکیش بە تۆمەتی هەڵگیرسانی شەڕەکە دەستگیرکراون.
