بزوتنەوەی گۆڕان لەسەر خۆپیشاندانەکان و پرسە ناوخۆییەکانی لە کۆبوونەوەدایە

جڤاتی نیشتمانیی بزوتنەوەی گۆڕان، کاتژمێر 10:00ی پێسنیوەڕۆی ئەمڕۆ کۆبوونەوەیەکی بە ئامادەبوونی ڕێکخەری گشتیی بزوتنەوەکە دەستپێکرد، لە کۆبوونەوەکەدا چەند پرسێک تاوتوێدەکرێت لەوانەش خۆپیشاندانەکانی چەند ڕۆژی ڕابردوو و پرسە ناوخۆییەکانی بزوتنەوەکە.

پەیامنێری تۆڕی میدیایی ئێستا لە سلێمانی، بژار دەباغ ڕایگەیاند، لە کۆبوونەوەی ئەمڕۆدا جگە لە ئەندامانی جڤاتی نیشتمانی، عومەری سەید عەلی، ڕێکخەری بزوتنەوەی گۆڕان  و ئەندامانی خانەی ڕاپەڕاندن ئامادە دەبن.

تەوەرەکانی کۆبوونەوەکەش بۆ سێ پرس دەبێت ئەوانیش، پرسی هەڵبژاردنە ناوخۆییەکانی بزوتنەوەی گۆڕان، کە ئەمڕۆ بزوتنەوەکە بڕیار لە کاتی هەڵبژاردنی مەکۆ و ڕایەڵەکانی دەدات، هەروەها پرسی کۆنفرانسی نیشتمانی بزوتنەوەکە کە لە ساڵی نوێدا ئەنجام دەدرێت، ئەویش هەر ئەمڕۆ بڕیار لە شێواز و میکانیزمەکەی دەدرێت.

تەوەرێکی دیکەی کۆبوونەوەکە تاوتوێکردنی خۆپیشاندانەکانی چەند ڕۆژی ڕابردووی سلێمانی دەبێت و ‌هەڵوێستی فەرمی بزوتنەوەکەش لەوبارەیەوە یەکلاییدەکرێتەوە.

بابەتی پێشتر

حکومەتی هەرێم لەبارەی هێرشی ئێران بۆسەر ئیسرائیلییەکان ڕونکردنەوە دەدات

بابەتی دواتر

شاندی هەرێمی کوردستان و بەغداد ڕێککەوتن لەسەر بودجەی 2021

بابەتی پەیوەندیدار
Total
0
Share