بەهۆی پابەندنەبوونیان بە ڕێنماییەكانی تەندروستی و خۆپارێزییەوە، چەندین فرۆشگە و سەمونخانەیەك بە داخستن و پێبژاردنی دارایی سزادران.
بەشی ڕاگەیاندن و پەیوەندییەکانی بەڕێوەبەرایەتیی تەندروستیی چەمچەماڵ، لەگەڵ بڵاوكردنەوەی وێنەكاندا ڕایگەیاند، ئەمڕۆ یەکشەممە لە کاتی گەڕان و بەسەرکردنەوە بەردەوامەکانی چاودێریی تەندروستیی مەڵبەندی خۆپاراستنی تەندروستیی چەمچەماڵ و نوێنەی ئاسایشی ئابوری و قائیمقامیەت بۆ چەند شوێنێک لە ناوبازاڕی چەمچەماڵ، دەستگیراوە بەسەر بڕێكی زۆر شمەكی خراپ و خواردەمەنیی بەسەرچوودا.
بەپێی ڕاگەیەندراوی بەڕێوەبەرایەتیی تەندروستیی چەمچەماڵ، خاوەنی ئەو فرۆشگە و كۆگایانە سزادراون و خاوەنی سەمونخانەیەکیش بەهۆی سەرپێچی و پاکڕانەگرتنی شوێنەکەی سزای دارایی بەسەردا سەپێندراوە.
بەشی ڕاگەیاندن و پەیوەندییەکانی بەڕێوەبەرایەتیی تەندروستیی چەمچەماڵ ڕاشیگەیاند، چەند شوێنێکی تر لە سنووری قەزای چەمچەماڵ بەهۆی ئەوەی كارمەندەكانیان لە کاتی کارکردندا کڵاو و بەروانكەیان نەپۆشیوە سزادراون.
