فەرماندەیی ناوەندیی هێزەکانی ئەمریکا رایگەیاند، بە مووشەک هێرش کراوەتە سەر هێزەکانی هاوپەیمانان لە ناوچەی رمێلان لە باشووری ڕۆژهەڵاتی سووریا.
ئەمڕۆ یەکشەممە فەرماندەیی ناوەندیی هێزەکانی ئەمریکا لە ڕاگەیەندراوێکدا بڵاویکردەوە، ” بەرەبەیانی ئەمڕۆ هێرشکراوەتە سەر بنکەی سەربازی هێزەکانی هاوپەیمانان لە ناوچەی ڕمێلانی باشووری ڕۆژهەڵاتی سووریا، بەڵام هێرشەکە شکستی هێناوە”.
ئاشکراشیکرد، “هێرشەکە لە ڕێگەی مووشەکی 107 ملم ئەنجامدراوە، بەڵام لە دەرەوەی سەربازگەکە کەوتووەتە خوارەوە و هیچ زیانێکی گیانی و ماددی بەدواوە نەبووە”.
ئاماژەی بەوەشکرد، “ژمارەیەک مووشەکی دیکەی لە شوێنی هەڵدانیان دۆزراونەتەوە، لێکۆڵینەوەکان لە ڕووداوەکە بەردەوامە”.
ئەم هێرشە لەکاتێکدایە دوێنێ شەممە، هێزەکانی ئەمریکا کوشتنی دوو گەورە بەرپرسی داعشیان لە باکووری سووریا لە هێرشێکی ئاسمانیدا ڕاگەیاند.
Rocket Attack Targeted US and Partnered Forces in Syria Failshttps://t.co/igWilIVzIU pic.twitter.com/LClwWS8LVP
— U.S. Central Command (@CENTCOM) October 9, 2022
