یانەی ڕیاڵ مەدرید بردنەوەیەکی زەحمەت و لە هەمان کاتدا گرنگی بەرامبەر یانەی خیتافی تۆمارکرد.
ئەمشەو شەممە، لە چێوەی یارییەکانی هەفتەی هەشتەمی خولی ئیسپانیا، یانەی خیتافی لە یاریی دێربیی بچووکی شاری مەدریددا لە یاریگای “کولسیۆم ئالفۆنسۆ پێرێز” میوانداریی یانەی ڕیاڵ مەدریدی کرد.
یارییەکە بە ئەنجامی گۆڵێکی بێبەرامبەر لە بەرژەوەندیی ئەستێرەکانی کارلۆ ئەنچیلۆتی کۆتاییهات.
گۆڵەکەی “لۆس بلانکۆس” لە خولەکی سێ لەلایەن ئیدێر میلیتاو-ەوە تۆمارکرا.
بەپێی ئەنجامە تۆمارکراوەکە، یانە مێژووییەکەی مەدرید ژمارەی خاڵەکانی گەیاندە 22 و بە شێوەیەکی کاتی گەڕایەوە بۆ پلەی یەکەمی ڕیزبەندیی یانەکانی لالیگا، یانەی خیتافی ڕکابەریشی بە حەوت خاڵەوە بۆ پلەی 16 دابەزی.
