چاڤی هێرناندێز، ڕاهێنەری یانەی بەرشلۆنە درکی بە هەڵەی تاکە کەسی و شکستی بیرکردنەوەی هەندێک لە یاریزانەکانی کردووە، داواشی لێکردوون لە سێ خاڵدا زیاتر برەو بە تواناکانیان بدەن.
بەپێی زانیارییەکانی “موندۆ دیپۆرتیڤۆ”، لە دوایین ڕاهێنانەکانی یانەی بەرشلۆنەدا بە شێوازێکی دیکە تەکتیکەکانی لەسەر یاریزانان تاقیکردووەتەوە، داواشی لێکردوون لە سێ ڕووەوە بەرەوپێش بچن:
یەکەم: بوێریی زیاتریان هەبێت و لە دەرەوەی ناوچەی سزاوە لێدانی زیاتر (شووت) ئاراستەی گۆڵی ڕکابەران بکەن، نەک تەنها چاوەڕوانی ئەوەبن لیڤاندۆڤسکی گۆڵ تۆمار بکات.
دووەم: زیاتر یاریگا و مەوداکان فراوان بکەن، تەنها پشت بە تواناکانی عوسمان دێمبیلی نەبەستن.
سێیەم: سەرجەم یاریزانان جموجۆڵی بەردەوام بکەن، بۆ ئەوەی مەودای زیاتر بڕەخسێت و بتوانن خۆیان لە چاودێری بەرگریکاران دەرباز بکەن.
