دیلان غەفور: حكومەتی عێراق پێكبهێندرێت كاریگەری لەسەر چارەسەركردنی كێشەكانی هەرێم و بەغداد دەبێت

پەرلەمانتارێكی فراكسیۆنی یەكێتی لە ئەنجومەنی نوێنەرانی عێراق ڕایدەگەیەنێت، عێراق بە دۆخێكی هەستیاردا تێدەپەڕێت و جگە لە پێكهێنانی حكومەت هیچ بەدیلێكی دیكە لەبەردەم لایەنە سیاسییەكاندا نییە و جەختیشدەكاتەوە، “حكومەتی عێراق پێكبهێندرێت كاریگەری لەسەر چارەسەركردنی كێشەكانی نێوان هەرێم و بەغداد دەبێت”.

دیلان غەفور پەرلەمانتاری فراكسیۆنی یەكێتیی نیشتمانیی كوردستان لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای ڕایگەیاند، ئیرادەیەك لە نێوان لایەنە سیاسییەكان بۆ پێكهێنانی حكومەت هەیە و هەفتەی داهاتوو كۆبوونەوەی پەرلەمانی عێراق لەسەر چەند پرسێك ئەنجامدەدرێت لەگەڵ ئەوەشدا دەبێت حكومەتی نوێ پێكبهێندرێت و دەسەڵاتی تەواوی هەبێت تا بتوانرێت یاسای بودجە ئامادەبكات و هەمواری یاسای هەڵبژاردنەكان بكات.

ئاشكرایكرد، پێكهێنانی كابینەی نوێی حكومەتی عێراق كاریگەری لەسەر چارەسەركردنی كێشەكانی نێوان هەرێم و بەغداد دەبێت و دەتوانرێت داواكارییەكانی هەرێم بكرێتە مەرج بۆ بەشداریكردنی كورد لە حكومەت، چونكە لایەنی شیعەكان دەیانەوێت كورد لە حكومەت بەشداربێت و ئەگەر لەگەڵ كورد نەگەنە ڕێككەوتن پێكهێنانی حكومەت قورس دەبێت بۆیە دەبێت كورد كارنامەی سیاسیی خۆی ئامادەبكات تا بتوانرێت داواكارییەكانی هەرێمی كوردستان جێبەجێبكرێت.

بابەتی پێشتر

تەقینەوەیەك لە هەولێر ڕوویدا

بابەتی دواتر

حكومەتی هەرێم ڕۆژێك پشووی ڕاگەیاند

بابەتی پەیوەندیدار
Total
0
Share