بانكی ڕافیدەین لە عێراق بڵاویكردووەتەوە، بڕی 25 ملیۆن دینار بەو كەسانە دەدرێت كە خاوەنی دوكان و ناوەندی تایبەت بە چاككردنەوەی ئامێرە كارەباییەكانن.
بەپێی ڕاگەیەندراوێكی بانكەكە تێیدا هاتووە، بڕی 25 ملیۆن دینار بۆ ئەنجامدانی پڕۆژەی بچووك دەدرێتە خاوەنی دوكان و ئەو كەسانەی كە ناوەندی تایبەت بە چاككردنەوەی ئامێرەكانیان هەیە.
ئاماژە بۆ ئەوەش كراوە، قەرزەكە لە ماوەی شەش ساڵدا لە سوودمەندبوو وەردەگیرێتەوە و لە ڕێگەی لقەكانی بانكی ڕافیدەین لە پارێزگاكانی عێراق دەدرێت.
