پۆمپیۆ: پشتیوانیی كازمی دەكەین و چەند وڵاتێكی تر لەگەڵ ئیسرائیل دا ڕێكدەكەون

مایک پۆمپیۆ، وەزیری دەرەوەی ئەمریکا رایگەیاند، وڵاتەكەی لەگەڵ مستەفا کازمی، سەرۆکوەزیرانی عێراق هاوکار و پشتیوان دەبێت بۆ  “پاشەکشەپێکردنی میلیشیا ئێرانییەکان” و ئاشكرایكرد كە چەند وڵاتێكی تر دەیانەوێت لەگەڵ ئیسرائیل دا ڕێكبكەون.

ئەمڕۆ هەینی 4ی كانونی یەكەم، مایک پۆمپیۆ، وەزیری دەرەوەی ئەمریکا بەشداری لە دیداری مەنامە لە بەحرەین کرد و لە وتارێكدا ڕایگەیاند، “لەگەڵ مستەفا کازمی دەبین لە هەوڵەکانی بۆ پاشەکشەپێکردنی میلیشیا ئێرانییەکان.”

وەزیری دەرەوەی ئەمریكا وتیشی، “ئیدارەی ئەمریکا سیاسەتی ئەوپەڕی گوشاری بۆ گۆشەگیرکردنی ئێران گرتووەتەبەر و ئەوەش وای لە ئێران كردووە هەوڵ بدات بۆ بەدەستهێنانی دەرفەتی دانوستاندنی تر.”

ئاماژەی بۆ ئەوەشکرد كە پشتیوانی لوبنانییەكان دەكەن لە بەرهەڵستكاریی حزبوڵڵا و وتی، “چەندین وڵات حزبوڵڵا-یان وەك ڕێكخراوێكی تیرۆریستی ناساندووە.”

مایک پۆمپیۆ باسی لە رێککەوتنامەی ئەبراهام لەنێوان ئیسرائیل و وڵاتانی عەرەبیدا كرد و بە دەستكەوتی وڵاتەكەی لە خۆرهەڵاتی ناوەڕاستدا ناوزەدیكرد و ئاشكرایكرد كە “چەند وڵاتێکی تر هەوڵ دەدەن بێنە ناو ئەو رێککەوتنەوە”.

بابەتی پێشتر

حەشد هەڕەشەی دەستبڕین لە سوپا دەكات و كازمی دێتەدەنگ

بابەتی دواتر

بەحرەین دەبێتە دووەم وڵات ڤاكسینی فایزەر بەكاربهێنێت

بابەتی پەیوەندیدار
زیاتر ببینە

چارلی چاپڵن لە پاكستان

گەنجێكی پاكستانی، لەڕێگەی لاساییكردنەوەی چارلی چاپڵنەوە، دەیەوێت خەڵكی ناوچەكەی دڵخۆشبكات و بژێویی ژیانی دەستەبەر بكات. عوسمان خان، تەمەنی…
Total
1
Share