توێژینەوەیەکی نوێ ئەوەی ئاشکراکردووە، حەبی ڤیاگرا دەتوانێت یارمەتیدەربێت لە کوشتنی خانە شێرپەنجەییەکان، نەک هەر ئەوە بەڵکو دەتوانێت چارەسەرە کیمیاییەکانیش بۆ نەخۆشییە شێرپەنجەییەکان کاریگەرتر بکات.
توێژینەوەکە لە گۆڤاری زانستیی “Cell Report Medicine”دا بڵاوکراوەتەوە، ئاماژە بەوە کراوە کە لە ڤیاگرادا مادەیەک هەیە کە کاردەکات بۆ کەمکردنەوەی خانە شێرپەنجەییەکانی ناو سورێنچک، هەروەها ئەو ماددە کیمیاییە بریتییە لە فۆسفۆدیسترازی جۆری پێنج.
حەبی ڤیاگرا کە بۆ چارەسەرکردنی کێشە سێکسییەکان بەکاردێت، ئەرکێکی دیکەی هەیە، ئەویش ڕزگارکردنی مرۆڤە لە نەخۆشیی شێرپەنجە.
زانایان ڕایانگەیاندووە، ئەو حەبە شینە دەتوانێت چارەسەری کیمیایی کاریگەرتر بکات لە بەرەنگاربوونەوەی شێرپەنجەی سورێنچک.
زانایان ئومێدیان هەیە کە ئەم حەبانە یارمەتیدەر بن لە کوشتنی جۆرەکانی تری شێرپەنجە.
