حەسەن تەمیمی، وەزیری تەندروستی و ژینگهی عێراق ئهمڕۆ ههینی 4ی كانونی یەكەم هاوڕێ لەگەڵ شاندێكی وەزارەتەكە سەردانی كهركوك-ی كرد و نهخۆشخانهیهكی 150 قهرهوێڵهیی لە شارەكە كردەوە.
نهخۆشخانهكە ناونراوە “شیفا” و 150 قهرهوێڵهییە و تایبهتە به تووشبووانی كۆرۆنا، لهلایهن عەتەبهی حسێنییهوه دروستكراوە، بەشەكانی نۆرینگهی راوێژكاری، ژووری مانهوهی نەخۆش و ژووری چاودێریی چڕ لەخۆدەگرێت.
نەخۆشخانەی “شیفا” سیستمی ئۆکسجینی ناوەندی بۆ دابینكراوە و سیستمی تایبهتی ههیه بۆ ههوا و دڵنیابوون لە سەلامەتی پزیشك و كارمهندانی تهندروستی، بینای نەخۆشخانەكە سیستمی ئینتەرنێت و کامێرا و زەنگی ئاگادارکردنەوە و ڕووناکی مۆدێرنی بۆ دانراوە.
