وەهاب هەڵەبجەیی: مام جەلال ئەو سەرکردە مەزنەی کوردە کە دووبارەبوونەوەی ئەستەمە

‎وەهاب هەڵەبجەیی، بەڕێوبەری گشتیی دەزگای دژەتیرۆر، پەیامێكی بۆ ساڵڕۆژی ژیانئاوایی سەرۆك مام جەلال بڵاوكردەوە و دەڵێت، “لە نەبوونی ئەو بۆشاییەکی گەورە لە خەبات و ئەزموونی سیاسیی گەلەکەماندا دروستبووە”.

لە پەیامەكەیدا بەڕێوبەری گشتیی دەزگای دژەتیرۆر نووسیویەتی، “پێنج ساڵ بەسەر ماڵئاوایی شكۆی نیشتمان و نەتەوە سەرۆك مام جەلال تێپەڕدەبێت، ئەمڕۆ لە هەموو ڕۆژێك زیاتر یەكێتیەكەمان، گەلەكەمان و ڕێبازی دیموكراسیی ناوچەكە و عێراق بە تایبەتی، پێویستی بە حیكمەت و ئەزموون و دونیابینیی سەرۆك مام جەلالە”.

‎ڕاشیگەیاندووە، “کۆچی دوایی مام جەلال کۆستێکی گەورە بوو بۆ عێراق و کوردستان بە تایبەتی، چونکە چەتری کۆکەرەوەی هەموو لایەنە جیاوازەکان بوو، وەک سەرکردە عێراقییەکان ناویان بە (صمام امان العراق) دەهێنا و سیاسییەکی بێهاوتابوو، لە نەبوونی ئەو بۆشاییەکی گەورە لە خەبات و ئەزموونی سیاسیی گەلەکەماندا دروستبووە”.

‎وەهاب هەڵەبجەیی جەختدەكاتەوە كە “مام جەلال ئەو سەرکردە مەزنەی کوردە کە دووبارە بوونەوەی ئەستەمە، نەک تەنها کوردستانییان، گەلانی عێراق بە گشت نەتەوە و پێکهاتەکانیانەوە شانازی بە خەبات و تێکۆشانی مام جەلالەوە دەکەن” و دەڵێت، “ڕۆحت شاد ڕابەر و سەرکردەم، ڕۆحت شاد ڕابەری نیو سەدە خەباتی کورد”.

بابەتی پێشتر

كارەبای نیشتمانی گەیەندرایە گوندی قەڵای میكائیل لە سنووری ناحیەی قادركەرەم

بابەتی دواتر

یەدەگە زەبەلاحەكەی گۆگردی عێراق ئاشكراكرا

بابەتی پەیوەندیدار
Total
0
Share