پەرلەمانی کوردستان ئەمڕۆ لەبارەی پڕۆژەیاسای پەروەردە و فێرکاری کۆدەبێتەوە و خوێندنەوەی دووەم بۆ پڕۆژەیاساکە دەکات.
لە بانگهێشتنامەیەکدا کە سەرۆکی پەرلەمانی کوردستان ئاراستەی پەرلەمانتارانی کردووە هاتووە، پەرلەمانی کوردستان ئەمڕۆ کاتژمێر 10:00ی پێشنیوەڕۆ کۆدەبێتەوە، دانیشتنەکە خوێندنەوەی دووەم بۆ پڕۆژەیاسای پەروەردە و فێرکاری دەکات.
بەرنامەی کاری کۆبوونەوەکە:
بە‌پێی حوكمی ماده‌ی (٥) و بڕگه‌ی (یه‌كه‌م) له ماده‌ی (١٦) و بڕگه‌ی (سێیه‌م) له ماده‌ی (١٨) و بڕگه‌كانی (یه‌كه‌م و دووه‌م و سێیه‌م و چواره‌م و پێنجه‌م) له ماده‌ی (٢٠) و ماده‌كانی (٤٧، ٤٨) و بڕگەی (یەكەم) لە مادەی (٥٢) و مادەكانی (٥٤، ٥٥، ٥٦، ٥٧) له په‌یڕه‌وی ناوخۆی په‌رله‌مانی كوردستان-عێراق، ده‌سته‌ی سه‌رۆكایه‌تیی په‌رله‌مان بڕیاریدا به‌رنامه‌ی كاری دانیشتنی ژماره (٧)ی ئاسایی خولی پایزه‌ى ساڵی چوارەم له خولی پێنجه‌می هه‌ڵبژاردنی په‌رله‌مان له كاتژمێر (١٠)ی به‌یانیی ڕۆژی یه‌كشه‌ممه ڕێكه‌وتی ۲۰۲۲/۱۰/۲ به‌م شێوه‌یه بێت:
- بەردەوامبوون لەسەر خوێندنەوەی دووەم بۆ پڕۆژەیاسای (پەروەردە و فێركاری لە هەرێمی كوردستان-عێراق)، به‌پێی حوكمی مادده‌كانی (٨٧، ٨٨، ٨٩، ٩٧) له په‌یڕه‌وی ناوخۆی په‌رله‌مانی كوردستان.
