وەزارەتی نەوتی عێراق بڕی نەوتی فرۆشراو و داهاتەكەی بۆ مانگی ئەیلول بڵاوكردەوە كە داهاتەكەی زیاترە لە هەشت ملیار دۆلار.
بەپێی ڕاگەیەندراوێكی وەزارەتی نەوتی عێراق كە داتاكانی لە كۆمپانیای بە بازاڕكردنی نەوتی عێراقەوە وەرگرتووە و تێیدا هاتووە، لە مانگی ئەیلولدا 98 ملیۆن و 765هەزار و 153 بەرمیل نەوتی خاو هەناردەی دەرەوەی عێراق كراوە.
ئاماژە بۆ ئەوەش كراوە، داهاتی ئەو نەوتەی فرۆشراوە هەشت ملیار و 773 ملیۆن دۆلار بووە كە تێكرا ڕۆژانە سێ ملیۆن و 292 هەزار بەرمیل نەوت بووە و هەر بەرمیلێك نەوت بە 88 دۆلار و 83 سەنت فرۆشراوە.
